ain.az, 525.az portalına istinadən məlumatı açıqlayır.
"Ukrayna rəsmiləri hələ ötən ilin avqust ayında İran dronlarını məhv etmək üçün döyüş sınaqlarından keçirilmiş texnologiyalarını ABŞ-a satmağa çalışdılar və hətta PowerPoint təqdimatı hazırladılar”.
525.az xəbər verir ki, bu barədə "Axios" portalı məlumat yayıb.
Qeyd olunub ki, təqdimat bu texnologiyanın Yaxın Şərqdəki müharibədə Amerika qoşunlarını və müttəfiqlərini necə qoruya biləcəyini nümayiş etdirmək məqsədi daşıyırdı.
Donald Tramp administrasiyası Ukraynanın təklifini rədd etsə də, ötən həftə İranın dron hücumları səbəbindən mövqeyini dəyişib. Amerika mənbələri Ukraynanın təklifinin rədd edilməsini Ağ Evin ən böyük taktiki səhvlərindən biri adlandırıb.
Nəşrin qeyd etdiyinə görə, ucuz İran Şahid tipli dronları Küveytdəki komanda məntəqəsində yeddi amerikalı hərbçinin ölümünə səbəb olub.
"Əgər İran müharibəsindən əvvəl etdiyimiz taktiki səhv və ya səhv hesablama olubsa, məhz budur”, - mənbə bildirib.
Ukrayna, Şahid tipli kamikaze dronlarını məhv etmək üçün digər vasitələrlə yanaşı, ucuz qiymətə tutucu dron hazırlayıb. Axios-un məlumatına görə, 18 avqustda Ağ Evdə keçirilən görüşdə Ukrayna Prezidenti Volodimir Zelenski Vaşinqtonla əlaqələri gücləndirmək və ABŞ-ın dəstəyinə görə minnətdarlığını bildirmək üçün Trampa tutucu dronlar təklif edib.
PowerPoint təqdimatı zamanı İran təhdidinə qarşı durmaq üçün Amerika bazalarının yerləşdiyi Türkiyə, İordaniya və Fars körfəzi ölkələrində "dron döyüş mərkəzləri" yaratmaq ideyası yer alıb.
Ukrayna Prezidenti "New York Times" qəzetinə verdiyi müsahibədə bildirib ki, ötən həftə ABŞ rəsmi olaraq ondan dronlarla mübarizədə kömək istəyib.
Pərvanə Sultanova
Hadisənin gedişatını izləmək üçün ain.az saytında ən son yeniliklərə baxın.
