ain.az, Azertag portalına istinadən məlumatı açıqlayır.
Vaşinqton, 11 mart, AZƏRTAC
“ABŞ ilə Azərbaycan arasında imzalanmış Strateji Tərəfdaşlıq Xartiyası ölkələrimiz arasında iqtisadi əməkdaşlığın genişləndirilməsi üçün uzunmüddətli institusional təməl yaradır”. AZƏRTAC-ın məlumatına görə, bu sözləri Azərbaycan Respublikası iqtisadiyyat nazirinin birinci müavini Elnur Əliyev ABŞ-Azərbaycan Ticarət Palatasının 30 illiyinə həsr olunmuş “Amerika Birləşmiş Ştatları-Azərbaycan Ticarət və Biznes Gündəliyi: Bazarların Birləşdirilməsi - Gələcəyin Qurulması” adlı beynəlxalq konfransda çıxışı zamanı deyib. O, bildirib ki, əməkdaşlığımızın son dövrlərinə baxmayaraq, mövcud iqtisadi əlaqələr səviyyəsi hələ də ölkələrimiz arasında potensialı tam əks etdirmir. “Keçən il ikitərəfli ticarət təxminən 1,6 milyard ABŞ dollarına çatdı və hazırda 200-dən çox ABŞ şirkəti Azərbaycanda uğurla fəaliyyət göstərir. 1995-ci ildən bəri ABŞ-nin Azərbaycana birbaşa xarici investisiyaları təxminən 19 milyard dollar təşkil edib ki, bu da Amerika şirkətlərinin iqtisadiyyatımızdakı uzunmüddətli rolunu nümayiş etdirir”,-deyə nazir müavini qeyd edib.
Məlahət Nəcəfova
AZƏRTAC-ın xüsusi müxbiri
Vaşinqton
Sonrakı hadisələr barədə daha çox məlumat almaq üçün ain.az saytını izləyin.
