ain.az, Lent az saytına istinadən bildirir.
Böyük Britaniyada yaşayan bir qadın bildirib ki, onun iti təhlükəli bir xəstəliyin vaxtında aşkar edilməsinə kömək edib.
Lent.az xarici KİV-ə istinadla bildirir ki, Xedkorn kəndində yaşayan Kollin Ferqyusonun sözlərinə görə, onun İnka adlı alman çoban iti 2015-ci ildə qəribə davranmağa başlayıb. Ev heyvanı davamlı olaraq sahibəsinin ağız qoxusunu iyləyir və narahatlıq göstərirmiş.
Bir neçə həftə sonra qadın həkimə müraciət etmək qərarına gəlib. Həkim onun ağız boşluğunu müayinə edib və analizlərə göndərib, lakin həmin vaxt heç nə aşkar olunmayıb.
Buna baxmayaraq it qoxuya reaksiya verməyə davam edib. Ferqyuson isə bütün orqanizmi üzrə tam tibbi müayinədən keçməyə qərar verib.
Aparılan skan müayinəsi nəticəsində qadının ağciyərində təxminən qolf topu ölçüsündə bir şiş aşkar edilib. Həkimlər ona birinci mərhələdə olan ağciyər xərçəngi diaqnozu qoyublar.
Britaniyalı qadının sözlərinə görə, bu diaqnoz onun üçün gözlənilməz olub. O qeyd edir ki, demək olar heç bir simptom hiss etməyib, yalnız yorğunluq yaşayıb. Bunu da yaşının artması və işi ilə əlaqələndirib.
2015-ci ilin iyun ayında həkimlər əməliyyat apararaq şişi çıxarıblar. Həkimlər izah ediblər ki, ağciyər xərçəngini erkən mərhələdə aşkar etmək çox çətindir, buna görə də vaxtında diaqnoz qoyulması həlledici rol oynayıb.
Müalicədən sonra qadın remissiya vəziyyətindədir və hesab edir ki, xəstəliyin vaxtında aşkarlanmasına məhz itinin davranışı kömək edib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
