Dəri sağlamlığı yalnız kosmetik vasitələrdən deyil, qidalanmadan da asılıdır.
Pravda.az bildirir ki, düzgün qida seçimi dərinin vəziyyətinə birbaşa təsir edir və müxtəlif dəri tipləri üçün fərqli qidalanma tövsiyə olunur.
Quru dəri: Quru dəri üçün bol su içmək və avokado, zeytun yağı, balıq kimi sağlam yağlarla zəngin qidalar qəbul etmək tövsiyə edilir. Kofe və alkoqolun çox istifadəsi isə dərinin daha da qurumasına səbəb ola bilər.
Yağlı dəri: Bu dəri tipi üçün anti-iltihabi təsirə malik qidalar faydalıdır. Balıq, avokado, zeytun və kətan toxumu kimi məhsullar tövsiyə olunur, qızardılmış və yüksək şəkərli qidaların isə məhdudlaşdırılması məsləhətdir.
Qarışıq dəri: Qarışıq dəri üçün balanslı qidalanma vacibdir. Aşağı qlisemik indeksli məhsullara – məsələn, qəhvəyi düyü və kinoa kimi qidalara üstünlük verilməsi tövsiyə olunur.
Sızanağa meyilli dəri: Şəkərli və yağlı qidaların, eləcə də bəzi süd məhsullarının azaldılması sızanaqların qarşısını almağa kömək edə bilər. Probiotiklərlə zəngin qidalar isə dəri sağlamlığını dəstəkləyə bilər.
Əminə Bayramova
