Azpolitika.az portalından əldə olunan məlumata əsasən, ain.az xəbər verir.
Sülh təhlükəsizliyin ən yaxşı qarantıdır.
“AzPolitika” xəbər verir ki, bunu Ermənistanın Baş naziri Nikol Paşinyan Strasburqda Avropa Parlamentinin Prezidenti Roberto Mezzola ilə keçirdiyi brifinqdə deyib.
Təhlükəsizlik məsələləri üzrə Aİ ilə əməkdaşlıqla bağlı suala cavab olaraq Paşinyan xatırladıb ki, Ermənistan bu məsələdə Avropa ölkələri ilə, məsələn, Fransa ilə əməkdaşlıq edir. Bundan əlavə, Ermənistan iki dəfə Aİ-dən yardım alıb.
Baş nazirin sözlərinə görə, Azərbaycanla bu yaxınlarda əldə edilmiş sülh kontekstində də işlər görülür, o cümlədən infrastruktur sahəsində əməkdaşlığın genişləndirilməsi imkanları nəzərdən keçirilir.
Paşinyan qeyd edib ki, Ermənistanda insanlar "təhlükəsizlik" dedikdə tez-tez silahları, ordu, xüsusi xidmət orqanlarını və s. başa düşürlər.
“Biz 30 ildən çoxdur ki, bu qavrayışla yaşamışıq. Əsas problem və qavrayışdakı dəyişiklik təhlükəsizlik zəmanətləri ilə bağlıdır. Mənə aydındır ki, təhlükəsizlik üçün ən vacib qarant sülhdür. İkincisi əməkdaşlıq, əlaqələr, iqtisadi əməkdaşlıq və qarşılıqlı faydadır”, - deyə Nikol Paşinyan bildirib.
“AzPolitika.info”
Daha ətraflı məlumat və yeniliklər üçün ain.az saytını izləyin.
