İran Prezidenti Məsud Pezeşkian bəyan edib ki, müharibəyə son qoymağın yeganə yolu Tehranın qanuni hüquqlarını tanımaq, ölkəyə reparasiya ödəmək və gələcək hücumlardan qorunmaq üçün beynəlxalq təhlükəsizlik zəmanətləri verməkdir.
"Unikal" xəbər verir ki, Pezeşkian bu barədə "X" platformasında yazıb.
"Rusiya və Pakistan liderləri ilə söhbətimdə İranın regionda sülhə sadiqliyini təsdiqlədim. İsrail və ABŞ tərəfindən başladılan bu müharibəni bitirməyin yeganə yolu - İranın qanuni hüquqlarının tanınması, reparasiyaların ödənilməsi və gələcək təcavüzlərdən qəti beynəlxalq təminatların verilməsidir", - deyə o vurğulayıb.
