Şimali Koreya lideri Kim Çen Inın qızı Kim Cu-aenin tapançadan atəş açdığı şəkilləri yayımlayıb.
Bakıvaxtı.az “LeFigaro.fr”ə istinadən xəbər verir ki, bu, yeniyetmənin hakim sülalənin potensial varisi olduğuna dair şayiələri gücləndirib. Dəqiq yaşı məlum olmayan Kim Cu-ae, atası ilə birlikdə son zamanlar bir sıra yüksək səviyyəli çıxışlarından, o cümlədən hakim İşçi Partiyasının qurultayının başa çatmasını qeyd edən hərbi paraddan sonra ölkədəki mütəxəssislər tərəfindən ailə taxtına növbəti namizəd hesab olunur. Onun həmçinin snayper tüfəngindən atəş açdığı da göstərilib.
Cümə axşamı günü Şimali Koreyanın rəsmi xəbər agentliyi Koreya Mərkəzi Xəbər Agentliyi (KCNA) Kim Cu-enin bir gözü bağlı və silahın lüləsindən alov püskürən tapançadan atəş açdığı fotosunu yayımlayıb. KCNA tərəfindən 12 mart 2026-cı ildə yayımlanan bu görüntüdə Şimali Koreya lideri Kim Çen Inın qızı Kim Cu-ae atası ilə birlikdə Pxenyandakı sursat fabrikinə baş çəkərkən əlində tapança tutur.
"O, hərbi lider xüsusiyyətlərini inkişaf etdirir"
Agentliyin məlumatına görə, Kim Cu-ae atası ilə birlikdə yeni tapançalar və digər portativ kiçik silahlar istehsal edən böyük silah fabrikində keçirilən tədbirdə iştirak edib. Görüntülərdə ata və qız Şimali Koreyada güc simvolu hesab edilən dəri gödəkçələr geyinərək, dövlət qurumlarında məmurların fəaliyyətini yoxlayırlar. Cənubi Koreyadakı "Kyungnam" Universitetinin Şimali Koreya üzrə eksperti Lim Eul-chul "Agence France-Press"-ə bildirib :
"Görünür, rejim güclü və qüdrətli bir qadın imicini inkişaf etdirməyə çalışır. Qızın tapançadan atəş açdığı səhnə onun hərbi liderin xüsusiyyətlərini inkişaf etdirdiyini göstərir".
Qeyd edək ki, Kim ailəsi on illərdir, Şimali Koreyanı idarə edir. Kim Cu-e 2022-ci ildə atası ilə birlikdə qitələrarası ballistik raketin buraxılı şında iştirak edərkən ictimaiyyətə təqdim olunub.Bundan əvvəl onun varlığı haqqında yeganə qeyd 2013-cü ildə Şimali Koreyaya səfər edən keçmiş NBA ulduzu Dennis Rodmandan gəlmişdi.
Aydın Baxış
