Gələcəkdə regional təşkilatlar qlobal təşkilatlardan daha böyük əhəmiyyətə malik olacaq.
"Cebheinfo.az" APA-ya istinadən xəbər verir ki, bunu Norveçin sabiq Baş naziri Kyell Magne Bondevik XIII Bakı Qlobal Forumunda “Qlobal Təhlükəsizlik və Güc Balansı: Beynəlxalq Hüquqa Hörmət, Yeni Məsələlər, Yeni Çağırışlar” adlı panel müzakirədə deyib.
Onun sözlərinə görə, Avropa İttifaqı artıq tək qalıb, ABŞ tutduğu mövqelərdən, təşkilatlardan geri çəkilir:
“Bu da təbii olaraq Avropanın bu gün daha çox həmrəy olmasına gətirib çıxarıb. Çünki tək qalmışıq. Düşünürəm ki, gələcəkdə regional təşkilatlar qlobal təşkilatlardan daha böyük rol oynayacaq - xüsusən də təhlükəsizlik məsələsində”.
Sabiq Baş nazir qeyd edib ki, BMT-də, BMT Təhlükəsizlik Şurasının tərkibində dəyişikliklər olmalıdır:
“Çünki hazırkı vəziyyət ədalətli deyil. Afrikanın, Ərəb dünyasının Təhlükəsizlik Şurasında daimi yeri yoxdur. Aİ-dən isə cəmi iki ölkə orada iştirak edir”.
"Cebheinfo.az"
