ABŞ Hörmüz boğazında gəmilərin müşayiəti üçün beynəlxalq koalisiya yarada bilər » AzadMedia.az

ABŞ Hörmüz boğazından keçən gəmilərin təhlükəsizliyini təmin etmək üçün beynəlxalq koalisiya yaratma imkanını nəzərdən keçirir. ABŞ-ın maliyyə naziri Skott Bessent bildirib ki, hərbi baxımdan mümkün olan kimi ABŞ Hərbi Dəniz Qüvvələri tərəfdaş ölkələrlə birlikdə gəmiləri müşayiət edə bilər. O, həmçinin İranın boğazı minaladığı barədə məlumatları təkzib edib və qeyd edib ki, marşrutdan hələ də İran və Çin tankerləri keçir. Daha əvvəl ABŞ kəşfiyyatının İranın boğazda minalar yerləşdirdiyi barədə məlumat aldığı bildirilmişdi. İsrail və ABŞ-ın hücumlarından sonra İran faktiki olaraq strateji neft marşrutu sayılan Hörmüz boğazını bağladığını açıqlayıb və bu da neft qiymətlərinin kəskin artmasına səbəb olub.