Bir il ərzində 300 dəfədən artıq həkimə müraciət edən İstanbul sakini vəfat edib.
"Ölkə.az" xəbər verir ki, bu barədə İstanbul Səhiyyə İdarəsinin rəhbəri Abdullah Günər məlumat verib.
Məmurun sözlərinə görə, İstanbul sakinləri orta hesabla ildə 12 dəfə xəstəxanaya müraciət edirlər.
“Amma rekord qıran bir xala tapdıq - ildə 301 dəfə həkimə müraciət edən bir xala var. Allah ona rəhmət eləsin”, - Günər bildirib.
O, pasiyentin hansı şikayətlərlə müraciət etdiyini dəqiqləşdirməyib.
İdarə rəhbəri həmçinin qeyd edib ki, 2025-ci ildə İstanbulda təxminən 207 milyon tibbi müayinə keçirilib ki, bunun da 80%-dən çoxu dövlət klinikalarının payına düşüb.
16 milyondan çox əhalisi olan meqapolisdə il ərzində 2,6 milyondan çox cərrahi əməliyyat icra edilib; bu isə şəhərdə hər iki saniyədən bir əməliyyat olunması deməkdir.(publika.az)
