Qızılın qiyməti ABŞ dollarının möhkəmlənməsi və yaxın gələcəkdə faiz dərəcələrinin azaldılması gözləntilərinin azalması fonunda düşüb. Eyni zamanda, enerji daşıyıcılarının qiymətinin yüksəlməsi inflyasiya təzyiqini artırır.
Valyuta.az xəbər verir ki, "Reuters" agentliyinin məlumatına görə, 12 mart səhəri spot qızılın qiyməti 0,2% azalaraq 5 167,15 ABŞ dolları/unsiya (166,1 $/qram) təşkil edib. ABŞ-da aprel təslimatlı qızıl fyuçersləri isə 0,1% ucuzlaşaraq 5 173,10 ABŞ dolları/unsiyaya düşüb.
Bundan əvvəl İran bildirib ki, hərbçilərinin ticarət gəmilərinə zərbə vurmasından sonra dünya neftin barelinin 200 dollar səviyyəsinə hazırlaşmalıdır. Eyni zamanda, Beynəlxalq Enerji Agentliyi (IEA) 1970-ci illərdən bəri ən ağır neft şoklarından birini yüngülləşdirmək üçün strateji ehtiyatların geniş miqyasda sərbəst buraxılmasını çağırıb.
Neftin qiyməti bareli 100 dollardan yuxarı qalxıb ki, bu da yaxın Şərqdə İranın neft və nəqliyyat obyektlərinə hücumlarını gücləndirməsi fonunda inflyasiya təzyiqini artırır.
Qeyd olunur ki, İran Hörmüz boğazına təxminən on mina yerləşdirib, bu da dünya üzrə neft və maye qaz tədarükünün əsas marşrutunu bərpa etmə səylərini çətinləşdirə bilər. Boğazdakı tankerler dayanıb, istehsalçılar neft çıxarışını məhdudlaşdırıb, çünki anbarların tutumu son həddinə yaxınlaşıb.
“Goldman Sachs” ABŞ Federal Ehtiyat Sisteminin faiz dərəcəsini endirməsi ilə bağlı proqnozunu yeniləyib. Hazırda bank sentyabr və dekabrda 0,25 faiz bəndi endirim gözləyir və bunu Yaxın Şərqdəki münaqişə ilə əlaqəli inflyasiya risklərinin artması ilə izah edir.
Digər qiymət hərəkətləri:
* Spot gümüş 0,3% artaraq 86,06 $/unsiya (2,77 $/qram)
* Spot platin 0,3% artaraq 2 176,14 $/unsiya (69,97 $/qram)
* Paladim 0,9% artaraq 1 651,11 $/unsiya (53,09 $/qram)
12 martda neft qiymətləri İran münaqişəsi və Çin yanacaq ixracına tətbiq olunan məhdudiyyətlər fonunda yüksəlib. Gecə ərzində Fars körfəzində üç xarici gəmi hücuma məruz qalıb. İran hərbi komandanlığının nümayəndəsi Ebrahim Zolfakari bildirib ki, gərginliyin artması enerji daşıyıcılarının qiymətinin kəskin yüksəlməsinə – neftin barelinin 200 dollara çatmasına səbəb ola bilər.
Paşa Məmmədli
