Demokrat.az portalından əldə olunan məlumata əsasən, ain.az xəbər verir.
Qvatemala sakini olan 24 yaşlı Cennifer Dinora Baçes Bolanyos narkobizneslə əlaqədə ittiham olunur. Yerli medianın yaydığı məlumata görə o ilk dəfə 2025-ci ilin oktyabrında saxlanılıb. Həmin vaxt polisin qatıldığı məclisdə gənc qızla yanaşı daha 14 nəfər həbs edilib. Reyd zamanı qonaqlardan 10 tapança, 5 tüfəng və 393 paket kokain götürülüb. Lakin aparılan araşdırmadan sonra Bolanyos müvəqqəti olaraq azadlığa buraxılıb.Demokrat.az xəbər verir ki, istintaqın davamı olaraq dekabr ayında məhkəmə onun yenidən həbsi barədə qərar çıxarıb. Bir neçə ay gizlənməyi bacaran gənc qız martın 4-də ticarət mərkəzinin çıxışında yaxalanıb. Bolanyos 2023-cü ildə qatıldığı gözəllik müsabiqələrindən sonra "Cənubun Barbisi" ləqəbi ilə məşhurlaşmışdı. Onun həbsi sosial şəbəkələrdə geniş müzakirələrə səbəb olub.Bəzi istifadəçilər qızın həbsxana üçün çox gözəl olduğunu iddia edərək onun girov müqabilində buraxılması üçün pul toplamağı təklif ediblər.Qeyd edək ki, bənzər hadisələr əvvəllər digər ölkələrdə də baş verib. Məsələn, Avstraliyada keçmiş "Miss Livan" titulu sahibi də narkotik dəstəsi ilə əməkdaşlıqda günahlandırılaraq saxlanılmışdı. Görünən odur ki, gözəllik tacı bəzən cinayət aləminin qaranlıq yollarını ört-basdır etmək üçün istifadə olunur.
İsmayıl
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
