Bakı, 13 mart, AZƏRTAC
ABŞ-nin Milli Basketbol Assosiasiyasında (NBA) 63 illik rekord yenilənib.
AZƏRTAC xəbər verir ki, “Oklahoma Siti Tander” komandasının basketbolçusu Şey Gilces-Aleksander ötən gecə “Boston Seltiks”lə keçirilən qarşılaşmada tarixi nailiyyətə imza atıb.
Kanadalı oyunçu bu görüşdə 20 xal səddini keçməklə ardıcıl 127-ci matçda 20-dən çox xal toplayan ilk basketbolçu olub. Bununla da o, 63 il qüvvədə qalan və ABŞ-ın əfsanəvi basketbolçusu Uilt Çemberlenə məxsus olan 126 oyunluq göstəricini yeniləyib.
