Belarus Prezidenti Aleksandr Lukaşenkoya inək hədiyyə olunub.
“Yeni Sabah” xəbər verir ki, bu barədə TASS məlumat yayıb.
Dövlət başçısı ölkənin Mogilyov vilayətində iri buynuzlu heyvanların yetişdirildiyi damazlıq təsərrüfatına baş çəkib. Burada ona inək hədiyyə verilib.
Həmin inəyin iyul ayında buzov doğacağı gözlənilir.
A.Lukaşenko bildirib ki, əgər dişi buzov doğularsa, onu öz fermasında saxlayacaq. erkək buzov doğularsa, heyvan yenidən Mogilyov vilayətinə qaytarılacaq.
Belarusun dövlət agentliyi BelTAnın məlumatına görə, dövlət başçısı çıxışı zamanı heyvanların tələf olması probleminə də toxunaraq bunun yolverilməz olduğunu vurğulayıb.
“Heyvanların tələf olmasına dözə bilmirəm, xüsusilə də buzovların. Mən kənddə böyümüşəm. Evimizdə həm qoyun, həm də keçi olub”, - A.Lukaşenko bildirib.
Aytac Əliyeva
Telegram kanalımız
