Dünyaca məşhur Hershey şokolad brendinin yaradıcısı Milton Hershey uğura çatmazdan əvvəl uzun illər uğursuzluqla üzləşib.
Ölkə.az Valyuta.az-a istinadən xəbər verir ki, xəbər verir ki, Hershey məşhur şirkətini qurmazdan əvvəl ardıcıl üç dəfə biznesdə uğursuzluq yaşayaraq iflas edib.
İlk biznes - Filadelfiyada uğursuzluq
Milton Hershey ilk şirniyyat mağazasını 19 yaşında Filadelfiyada açıb. O, gündə 18 saat çalışaraq şəkər qaynadıb və məhsullarını satmağa çalışsa da, altı il sonra biznesini saxlaya bilməyərək 1882-ci ildə iflas edib.
Çikaqodakı ikinci cəhd
Birinci uğursuzluqdan sonra Hershey atasının yanına Çikaqoya köçüb və burada yenidən şirniyyat biznesinə başlamağa çalışıb. Lakin həmin dövrdə iqtisadi vəziyyətin zəif olması səbəbindən bu təşəbbüs də tezliklə uğursuzluqla nəticələnib.
Nyu-Yorkda üçüncü uğursuzluq
Hershey daha sonra Nyu-Yorka köçərək “Hershey’s Fine Candies” adlı biznes qurub. İlk vaxtlar müəyyən uğur qazansa da, şəkər qiymətlərinin kəskin artması və borclar səbəbindən avadanlıqları müsadirə edilib və biznes tamamilə bağlanıb.
Beləliklə, Hershey üç fərqli şəhərdə üç biznesini itirərək böyük borcla üzləşib.
Dördüncü cəhd uğur gətirdi
Bütün bu uğursuzluqlardan sonra Hershey Pensilvaniyaya qayıdaraq yenidən biznes qurmağa qərar verib. Bu dəfə o, əvvəlki səhvlərindən dərs çıxararaq şokolad istehsalına fokuslanıb.
Nəticədə onun qurduğu şirkət qısa müddətdə böyüyərək 50 milyon dollarlıq böyük brendə çevrilib və "Hershey" adı bu gün dünyanın ən məşhur şokolad istehsalçılarından biri kimi tanınır.
Milton Hershey-in hekayəsi göstərir ki, uğurlu bizneslərin arxasında çox vaxt uzun illər davam edən uğursuzluqlar və təcrübə dayanır.
