İngiltərə Premyer Liqasının 2025/2026 mövsümünün 30-cu turunda “Arsenal” öz meydanında “Everton”u qəbul edib.
90deqiqe.Az-ın məlumatına görə, görüş London şəhərindəki "Emireyts" stadionunda keçirilib və matçı baş hakim Endryu Medli idarə edib.
Matç meydan sahiblərinin 2:0 hesablı qələbəsi ilə yekunlaşıb. Hesabı 89-cu dəqiqədə Viktor Qyökeres açıb, əlavə vaxtda isə 90+7-ci dəqiqədə Maks Doumen fərqlənərək qələbəni rəsmiləşdirib.
Bu nəticədən sonra “Arsenal” 70 xalla turnir cədvəlində birinci pillədə qərarlaşıb, “Everton” isə 43 xalla 8-ci sıradadır.
Növbəti matçda “Arsenal” 22 martda Kubok Liqasının finalında “Mançester Siti” ilə üz-üzə gələcək, “Everton” isə 21 martda evdə “Çelsi”ni qəbul edəcək.
