Bundesliqanın 26-cı turunun mərkəzi qarşılaşmasında “Bavariya” səfərdə “Bayer Leverkuzen” ilə qarşılaşıb.
Publika.az xəbər verir ki, görüşdə qalib müəyyənləşməyib - 1:1. Oyunda hesabı matçın 6-cı dəqiqəsində ev sahiblərinin heyətində Aleiks Qarsia açsa da, 69-cu dəqiqədə “Bavariya”nın hücumçusu Luis Dias bərabərlik qolunu vurub. Qarşılaşmada münxenlilərin heyətində Nikolas Cekson 42-ci, Luis Dias isə 69-cu dəqiqədə qırmızı vərəqə alaraq oyundan kənarlaşdırılıb.
Turun digər görüşlərində Münxen təmsilçisinin ən yaxın izləyicisi “Borussiya Dortmund” öz meydanında “Auqsburq”un qapısından iki cavabsız top keçirib. “Aytraxt Frankfurt” ev oyununda “Haydenhaym”a minimal hesabla qalib gəlib – 1:0. “Hoffenhaym” öz meydanında “Volfsburq” ilə heç-heçə edib – 1:1. Günün sonuncu görüşündə “Hamburq” və “Köln” komandaları qarşılaşır.
Qeyd edək ki, turun açılış matçında “Borussiya Mönxenqladbax” öz meydanında “St. Pauli”yə qalib gəlib – 2:0.
