Serbiyanın Zrenyanin şəhərində keçirilən U23 Avropa çempionatı yekunlaşıb.
Sportal.az xəbər verir ki, yarışın sonuncu günündə yunan-Roma güləşi üzrə 60, 67, 72, 82 və 97 kq-da medalçılar bəlli olub.
Ayxan Cavadov (60 kq) bürünc medal uğrunda görüşdə Yevgeni Pokovbaya 1:3 uduzaraq 5-ci pilləni tutub.
Fərid Xəlilov (67 kq) isə Petro Jitovoza qalib gələrək, turniri üçüncü yerdə başa vurub.
Elmin Əliyev (82 kq) isə finalda Gürcüstan təmsilçisi Tornike Mikeladzeylə qarşılaşıb. Əliyev 3:2 hesablı qələbə ilə U23 Avropa çempionluğunu qazanıb.
Yunan-Roma güləşi üzrə millimiz çempionatı 1 qızıl, 1 gümüş və 3 bürünc medalla başa vurub. Yığmamız 100 xalla komanda hesabında 4-cü yeri tutub.
saytlarin hazirlanmasi
