İsrail Müdafiə Qüvvələrinin sözçüsü Efi Defrin dünən - martın 15-də rəsmi olaraq elan edib ki, orduya İranda rejim dəyişikliyi deyil, "İran vətəndaşlarının ölkənin taleyini öz əllərinə alması üçün şərait yaratmaq" tapşırılıb. Eyni zamanda, "Aslan nəriltisi"nin başlanğıcından bəri ilk dəfə olaraq ordu ictimaiyyətə müharibənin gedişatından narazılığını bildirməyə başlayır.
Moderator.az bu haqda "İsraelinfo" nəşrinə istinadla yazır.
"Kan" nəşrinin müxbiri Süleyman Masvade bildirib ki, hərbi rəhbərlikdəki üç mənbə ona təxminən eyni şeyi deyib: müharibə uzanır, "razılaşdırılmamış tempdə" davam edir və "məqsədlər yenidən nəzərdən keçirilməlidir".
Bu cür söhbətlər siyasi və hərbi rəhbərlik arasında orduya verilən məqsədlərin qeyri-müəyyənliyi və qeyri-real təbiəti ilə bağlı yenidən gərginliyin yarandığını göstərir. Rejim dəyişikliyi üçün "şərait yaratmaq"ın nə demək olduğu məlum deyil və bilmək mümkün deyil: hərbi güclə rejim dəyişikliyinin yeganə məlum metodu ərazilərin işğalıdır.
