Joan Laporta növbəti dəfə İspaniyanın "Barselona" klubunun prezidenti seçilib.
AZƏRTAC klubun rəsmi saytına istinadən xəbər verir ki, funksioner 68,18 faiz göstərici ilə birinci olub.
O, seçkilərdə yeganə rəqibi Viktor Fontdan (29.78 faiz) iki dəfədən çox səs toplayıb.
Qeyd edək ki, Joan Laporta üçüncü müddətə “Barselona”nın prezidenti seçilin. O, daha əvvəl kluba 2003-cü ildən 2010-cu ilə və 2021-ci ildən 2026-cı ilə qədər rəhbərlik edib. Laporta iyulun 1-dən yenidən vəzifəsinin icrasına başlayacaq və 2031-ci ilədək Kataloniya klubunun prezidenti olacaq.
