ain.az bildirir, Demokrat.az portalına istinadən.
Dünyanın Yaxın Şərqdə davam edən qarşıdurmalara kökləndiyi vaxtda Sakit okean regionunda yeni gərginlik dalğası müşahidə olunur. Tayvan Müdafiə Nazirliyinin məlumatına görə Çinə məxsus 26 döyüş təyyarəsi və 7 hərbi gəmi ada ətrafında növbəti təlimə çıxıb. Hava qüvvələrinə aid təyyarələrdən 16-sı Tayvanın hava hücumundan müdafiə zonasına daxil olaraq bölgədəki hərbi təzyiqi bir qədər də gücləndirib.Demokrat.az xəbər verir ki, rəsmi Tayvan ordusu yaranan vəziyyətə çevik reaksiya verərək dəniz və hava qüvvələrini tam hazırlıq vəziyyətinə gətirib. Hərbi müşahidəçilər Pekinin bu addımını sadəcə təlim deyil, həm Tayvan rəhbərliyinə, həm də Vaşinqtona ünvanlanmış mesaj kimi qiymətləndirirlər. Çinin bu manevrlərlə ABŞ-nin regiondakı təsirini zəiflətməyə çalışdığı və Tayvanın müstəqillik cəhdlərinə qarşı əzmini nümayiş etdirdiyi vurğulanır.Qeyd edək ki, bölgədəki gərginliyin kökləri 1949-cu ildə baş verən Çin vətəndaş müharibəsinə gedib çıxır. Pekin adanı öz ərazisi hesab etsə də, Tayvan öz demokratik idarəetmə sistemini və müstəqil ordu strukturunu qoruyub saxlamağa çalışır. Münaqişəyə maraq göstərən ekspertlər isə daha kritik məqama diqqət çəkir. Tayvan dünya üzrə yarımkeçirici istehsalında həlledici paya sahib olduğu üçün burada baş verə biləcək hər hansı ciddi toqquşma qlobal iqtisadiyyat üçün gözlənilməz ssenarilərlə nəticələnə bilər.Hazırda tərəflər arasında diplomatik ritorika sərtləşməyə davam edir. Vaşinqtonun Tayvana verdiyi hərbi dəstək Pekini qıcıqlandıran əsas amil kimi qalır. Regiondakı hərbi hərəkətliliyin yaxın günlərdə necə bir istiqamət alacağı isə dünya ictimaiyyətinin diqqət mərkəzindədir.İslam
Demokrat.az
Hadisənin gedişatını izləmək üçün ain.az saytında ən son yeniliklərə baxın.
