ABŞ və İsrailin paytaxtın Şəhid Borucerdi rayonuna endirdiyi zərbələr nəticəsində yüzlərlə mülki şəxs zərər çəkib...
ABŞ və İsrailin Tehranın Şəhid Borucerdi rayonuna endirdiyi hava zərbələri nəticəsində 130-dan çox sakin yaralanıb.
Poliqon xəbər verir ki, bu barədə yerli hakimiyyət orqanları məlumat yayıb.
Məlumata görə, hücum gecə saatlarında baş verib və nəticədə yaşayış məntəqələrinə ciddi ziyan dəyib. Sosial şəbəkələrdə və yerli mediada İran paytaxtına endirilən zərbələrin gecə görüntüləri də yayılıb.
İranın Səhiyyə Nazirliyinin açıqlamasına əsasən, münaqişənin başlanmasından bəri Tehranda həyata keçirilən hava hücumları nəticəsində azı 500 nəfər həlak olub. Eyni zamanda 5,7 minə yaxın insan müxtəlif dərəcəli xəsarətlər alıb.
Rəsmilər bildirirlər ki, yaralıların bir qismi xəstəxanalara yerləşdirilib və onlara tibbi yardım göstərilir. Hadisə nəticəsində bəzi yaşayış binalarının və infrastruktur obyektlərinin zərər gördüyü də qeyd olunur.
Analitiklərin fikrincə, İran paytaxtına endirilən bu zərbələr regionda davam edən hərbi qarşıdurmanın miqyasının genişləndiyini göstərir. Ekspertlər hesab edirlər ki, münaqişənin uzanması humanitar vəziyyətə və mülki əhalinin təhlükəsizliyinə ciddi təsir göstərə bilər.
Poliqon.info
