90 yaşlı qadın sevdiyi kişi ilə evlənmək üçün 64 il gözləyib.
Ölkə.Az xəbər verir ki, bu barədə “Citizen Digital” məlumat yayıb.
Belə ki, 95 yaşlı keniyalı İbrahim Mboqo ilə 90 yaşlı Tabita Vanquinin toy mərasimi kilsədə baş tutub.
Yaşlı cütlük toyda kostyum və gəlinliyə bənzər ağ paltar geyiniblər. Mərasimdə cütlüyün övladları və nəvələri iştirak edib.
Onlar Kikuyu adətlərinə görə, ər-arvad hesab edilsə də, ötən dövr ərzində toy etməyiblər.
Cütlük 1960-cı ildən bəri tanış olduqlarını və bir-birlərini sevdiklərini söyləyiblər.
Ahıl qadın “hə” demək üçün uzun müddət gözləməsini bu sözlərlə əsaslandırıb: “Kişilər tez-tez fikirlərini dəyişirlər, mən də əmin olmalı idim".
Bütün dünyada gündəm olan toy 2024-cü ildə baş tutsa da, bu günlərdə toyla bağlı fotolar yenidən sosial şəbəkələrdə gündəmə gəlib.
Billurə
