Qahirə, 16 mart, AZƏRTAC
Səudiyyə Ərəbistanı Krallığının hava hücumundan müdafiə sistemləri səhər saatlarında Ər-Riyad və Şarqiyyə regionlarını hədəf alan 15 pilotsuz uçuş aparatını (PUA) məhv edib.
AZƏRTAC yerli mediaya istinadla xəbər verir ki, bunu Səudiyyə Ərəbistanının Müdafiə Nazirliyinin sözçüsü general Türki əl-Maliki deyib.
Qeyd olunub ki, hava hücumundan müdafiə sistemləri gecə saatlarında bəri ümumilikdə 64 PUA-nı zərərsizləşdirib. PUA-ların əksəriyyəti Şarqiyyə regionu üzərində vurulub. Sözçünün sözlərinə görə, təkcə 2 saat ərzində adıçəkilən regionu hədəfə alan 34 PUA məhv edilib.
İrandan ölkənin müxtəlif regionlarına atılan raket və PUA-ları zərərsizləşdirmə əməliyyatları genişləndirilib.
Şıxəli Əliyev
AZƏRTAC-ın xüsusi müxbiri
Qahirə
