Rusiya yəqin ki, hərbi bölmələr arasında Telegram-ın istifadəsini məhdudlaşdırmağı planlaşdırır. Bu da bölmələr üçün rabitə problemlərini artıra bilər.
Herbiand.az bildirir ki, bu barədə Müharibə Tədqiqatları İnstitutunun hesabatında yazılıb.
Rusiyalı hərbi bloqçulardan birinin sözlərinə görə, Silahlı Qüvvələrin bəzi bölmələri hərbçilərin Telegram-ı silməsini məcbur edir. Bu, bəzi Rusiya rəsmilərinin verdiyi açıqlamalarla ziddiyyət təşkil edir. Onlar bildirmişdilər ki, ordunun döyüş əməliyyatlarını dəstəkləmək üçün Telegram-dan istifadəsinə icazə veriləcək.
15 martda hərbi bloqçu iddia edib ki, Rusiya ordusunun müəyyən bölmələri hərbçilərə telefonlarından Telegram tətbiqini silməyi əmr edib. O əlavə edib ki, Rusiya hərbi polisi əsgərlərin tətbiqi silib-silmədiyinə əmin olmaq üçün telefonları yoxlayır. Hərbi komandanlıq alternativ olaraq dövlət tərəfindən idarə olunan Max mesajlaşma tətbiqini təbliğ edir. Lakin bloqçunun sözlərinə görə, Max messencerinin istifadəsi çox əlverişsizdir və xüsusi təyinatlı qüvvələrin bəzi bölmələri onu qadağan edib.
Onun sözlərinə görə, Telegram qadağasının qeyri-bərabər tətbiqi əmrlərin Rusiya Müdafiə Nazirliyi tərəfindən tətbiq edilən universal standartdan daha çox, ayrı-ayrı bölmələrdən gəldiyini göstərir.
Bəxtiyar CƏFƏRLİ
