Amerika Birləşmiş Ştatları (ABŞ) Dövlət Departamenti Sudan İslam Hərəkatını və onun silahlı qanadı “Liva əl-Baraa bin Malik”i terror təşkilatı kimi tanıyan qərarı tətbiq edib. 9 martda elan edilən və bu gün qüvvəyə minən qərarda qrupun İranla əlaqələri və mülki əhaliyə qarşı zorakı hərəkətləri qeyd olunur.
Hafta.az yazır ki, tətbiq edilən sanksiyalara əsasən, bu qrupların ABŞ maliyyə sisteminə girişi tamamilə bloklanıb. ABŞ yurisdiksiyası altındakı bütün aktivlər dondurulub, Amerika vətəndaşlarına bu qruplarla hər hansı kommersiya və ya maliyyə əməliyyatları aparmaq qadağandır. İkinci dərəcəli sanksiyalar riski səbəbindən üçüncü tərəf vətəndaşlarının da bu qruplarla əməliyyat aparması məhdudlaşdırılıb.
ABŞ Dövlət Departamentinin bəyanatında Sudan Müsəlman Qardaşları-nın 20 mindən çox döyüşçüsü ilə Sudan ordusunu dəstəklədiyi və onların çoxunun İran İnqilab Keşikçiləri Korpusu (SEPAH) tərəfindən təlim keçdiyi bildirilir. Qrup rəsmi olaraq Sudanda davam edən vətəndaş müharibəsinin həlli səylərini sarsıdan və nəzarəti altında olan ərazilərdə edamlar həyata keçirən kimi qeydə alınıb.
Bu addım, Vaşinqtonun 2026-cı ilin yanvar ayında başlayan regiondakı oxşar Qardaşlıq fraksiyalarını məhdudlaşdırmaq siyasətinin davamıdır. Bu, on minlərlə insanın ölümünə və 11 milyondan çox insanın didərgin düşməsinə səbəb olan Sudan vətəndaş müharibəsində Sürətli Dəstək Qüvvələrinə (RSF) qarşı vuruşan bu qrupların beynəlxalq fəaliyyət dairəsini faktiki olaraq məhdudlaşdırır.
