Ərik meyvəsinin çəyirdəyindən əldə edilən ərik çəyirdəyi yağı son illərdə təbii qulluq vasitəsi kimi geniş istifadə olunur.
Pravda.az bildirir ki, tərkibində A və E vitaminləri, həmçinin oleik və linoleik yağ turşuları olduğu üçün dəri və saç sağlamlığını dəstəkləyən faydalı bitki yağlarından hesab olunur.
Bu yağ antioksidant xüsusiyyətləri sayəsində dərini xarici təsirlərdən qorumağa kömək edir və dəri hüceyrələrinin yenilənməsini dəstəkləyə bilər. Eyni zamanda dərini nəmləndirir, quruluğun qarşısını alır və daha hamar görünüş qazandırmağa kömək edir.
Ərik çəyirdəyi yağı saç baxımında da faydalı sayılır. Saç dərisini qidalandıraraq saçların daha sağlam uzanmasına dəstək verə, saç tökülməsini azaltmağa kömək edir və kəpək problemini yüngülləşdirə bilər. Həmçinin saçlara yumşaqlıq və parlaqlıq qazandırır.
Bununla yanaşı, bu yağ göz altı qaralmalarının azalmasına kömək edə, dırnaq ətrafını nəmləndirə və dərinin elastikliyini artıraraq yaşlanma əlamətlərinin gecikməsinə dəstək ola bilər.
Ərik çəyirdəyi yağından həddindən artıq istifadə bəzi hallarda üzdə tüklənməni artıra bilər. Buna görə də yağın fasilələrlə və ölçülü formada istifadə edilməsi tövsiyə olunur.
Əminə Bayramova
