Rusiyada evsiz və yiyəsiz uşaqların sayı son beş ildə ilk dəfə artıb.
Musavat.com ArbatMedia portalına istinadla xəbər verir ki, 2025-ci ildə Daxili İşlər Nazirliyi bu kateqoriyada 57.400 yetkinlik yaşına çatmayan müəyyən edib.
Bilirilir ki, 2024-cü illə müqayisədə evsiz və avara uşaqların sayı 2,1% artıb.
Əvvəlki illərdə statistika tədricən azalma göstərirdi. 2021-ci ildə Rusiyada 60.700 belə uşaq var idi. 2022-ci ildə bu rəqəm 60.000, 2023-cü ildə 56.900, 2024-cü ildə isə 56.200 olub.
Qəzetin məlumatına görə, ən çox evsiz və baxımsız uşaq Moskva, Sankt-Peterburq, Leninqrad vilayəti və Tuvada aşkarlanıb. Ən əhəmiyyətli artımlar Çelyabinsk vilayətində, Tuvada və Novosibirsk vilayətində müşahidə olunub.
Daxili İşlər Nazirliyi artımın səbəblərini açıqlamayıb. Onlar bildiriblər ki, yetkinlik yaşına çatmayanların əksəriyyəti sağlamlıqlarına və ya inkişaflarına zərər verə biləcək yerlərdə tapılıb. Bəzi uşaqlar gecə polis əməkdaşları tərəfindən valideynlərinin müşayiəti olmadan tapılıb.
"Xeyirxahlığın arifmetikası" xeyriyyə fondunun direktoru Nailə Novojilova hesab edir ki, Rusiyada, demək olar ki, evsiz uşaq yoxdur. Onun sözlərinə görə, statistika əsasən nəzarətsiz yetkinlik yaşına çatmayanların sayını əks etdirir.
Yiyəsiz uşaqlar davranışlarına valideynləri və ya qanuni qəyyumları tərəfindən nəzarət edilməyən uşaqlardır. Evsiz uşaqlar isə daimi yaşayış yeri olmayan hesab olunurlar.
Musavat.com
