ain.az bildirir, Gununsesi saytına əsaslanaraq.
Robert Köçəryan Ermənistan müxalifətindəki Hayastan blokunun baş nazirliyə namizədi olub.
Gununsesi.info xəbər verir ki, namizədlik bu gün İrəvanda Karen Dəmirçyan adına İdman və Konsert Kompleksində keçirilən mərasimdə elan edilib.
Blokun seçki kampaniyasının şüarı “Birlikdə bacaracağır”dır.
Köçəryan martin 16-da blokun tədbirindəki çıxışında bildirib ki, hər il Ermənistanda 45 min yeni iş yeri yaradacaq.
O, həmçinin vurğulayıb ki, təhlükəsizlik Ermənistanın qarşıdakı illərdə əsas prioritetlərindən biri olaraq qalacaq:
“Buna nail olmaq üçün ölkənin döyüşə hazır orduya, güclü liderə və etibarlı müttəfiqə ehtiyac var. Azərbaycanla sülhə üstünlük verirəm. Ancaq bunun üçün aydın təhlükəsizlik zəmanətinə ehtiyac var”.
Onun sözlərinə görə, Ermənistanın xarici siyasəti proqnozlaşdırıla bilən, başa düşülən olmalı və böyük dövlətlər arasındakı fikir ayrılıqlarından sui-istifadə etmək ideyasını rədd etməlidir.
Politoloq Elxan Şahinoğlu hesab edir ki, Köçəryanın açıqlamalarının mənası aydındır.
“O “etibarlı müttəfiq” dedikdə Rusiyanı nəzərdə tutub. Yəni demək istəyib ki, qalib gələrsə, Ermənistan Cənubi Qafqazda əvvəlkitək Rusiyanın vassalı rolunu oynayacaq. Erməni saytlarında Köçəryanın çıxışında Qarabağla bağlı fikrinə rast gəlmədim. Əksinə, o baş nazir olacağı halda Azərbaycanla sülhə üstünlük verəcəyini bildirib. Hiyləgər Köçəryan bilir ki, seçkiqabağı çıxışlarında “Qarabağın geri qaytarılması” kimi məntiqsiz fikirlər səsləndirsə, səs qazana bilməyəcək.
Ermənilərin əksəriyyəti Qarabağla bağlı tezislərin Azərbaycanla yeni müharibəyə səbəb olacağını anlamamış deyillər. Ona görə, Köçəryan seçiciləri qorxutmaq istəmir. Ancaq erməni seçiciləri onu da bilməlidirlər ki, yenidən Köçəryanı hakimiyyətə gətirsələr, bu sülh quruculuğuna, o cümlədən bölgədə kövrək sabitliyə zərbə olacaq. Demək, Bakıdan ermənilərə indidən mesaj göndərilməlidir ki, hazırki sülh qurucluğundan kənarlaşmaq bölgədə gərginlik mənbəyinə və Ermənistanın itkilərinə səbəb olacaq”.
Şəbnəm
Gununsesi.info
Ən son xəbərləri və yenilikləri almaq üçün ain.az saytını izləyin.
