Hazırda Türkiyədə müalicə olunan Xalq artisti Rasim Balayev yaxın günlərdə Bakıya dönəcək.
Ölkə.az xəbər verir ki, bunu Qaynarinfo-ya açıqlamasında nəğməkar şair Baba Vəziroğlu deyib. Şair aktyorun səhhətində böyük irəliləyiş olduğunu vurğulayıb:
"Müalicə artıq yekunlaşır, vəziyyəti çox yaxşıdır. Ayaqları açılıb, yerimə qabiliyyəti bərpa olunub. Bayramı evində keçirəcək, hamımız onun sağalmağını arzu edirik".
Baba Vəziroğlu Rasim Balayevin müalicə xərcləri Heydər Əliyev Fondu tərəfindən qarşılandığını bildirib:
"Dövlətimiz sağ olsun, həmişə sənətkarının yanında olub, ona arxa-dayaq olub. Dövlətimiz heç vaxt sənətkarını tək buraxmayıb".
Xatırladaq ki, bir müddət əvvəl Xalq artisti Rasim Balayevin səhhətində problemlər yaranmışdı. Uzun müddət Bakıda müalicə olunan aktyor sonradan Türkiyəyə aparılıb.
