Çin, bölgədə artan müharibə və humanitar böhrana cavab olaraq İran, Livan və Yaxın Şərqdəki digər ölkələrə humanitar yardım göstərəcəyini açıqladı.
Turkustan.az xəbər verir ki, Pekin mülki şəxsləri hədəf alan hücumları pislədi və ərazidə artan dağıntıların qarşısını almaq üçün dəstək vəd etdi.
İsrail, ABŞ və İran arasında şiddətlənən münaqişə sürətlə Livana və Körfəz ölkələrinə yayıldı. Son rəqəmlərə görə, bölgədə minlərlə insan həyatını itirib, yüz minlərlə insan isə didərgin düşüb.
Xüsusilə Livanda yüz minlərlə insan evlərini tərk etmək məcburiyyətində qalıb və infrastruktur böyük ziyan görüb. İranda enerji obyektləri və vacib ərazilər hədəfə alınıb və hücumların ətraf mühitə və humanitar təsirləri artır.
Çin Xarici İşlər Nazirliyi verdiyi açıqlamada mülki şəxsləri hədəf alan hücumları qətiyyətlə pisləyib. Pekin İranda məktəbə edilən hücumu "beynəlxalq hüququn ciddi şəkildə pozulması" adlandırıb və həyatını itirən mülki şəxslərin ailələrinə kompensasiya və dəstək verəcəyini açıqlayıb.
Aytən Yaşar/ Turkustan.az
