ABŞ-nin İrana qarşı hərbi hücumlarının davam etdiyi bir vaxtda Vaşinqton administrasiyasında istefa baş verib.Metbuat.az xəbər verir ki, milli terrorla mübarizə mərkəzinin direktoru Co Kent istefasını elan edərək Tramp administrasiyanın İran siyasətini tənqid edib. Qərarının əsas səbəbinin etik narahatlıqlar olduğunu vurğulayan Kent, "Vicdanım İranda davam edən müharibəni dəstəkləməyə imkan vermir", - deyə bildirib. Müharibənin milli maraqlardan daha çox xarici təzyiqlər səbəbindən başladığını iddia edən Kent, Ağ Evin müharibə strategiyasını tənqid edib. O, müharibənin İsrail və onun güclü ABŞ lobbisinin təzyiqi səbəbindən başladığını irəli sürüb.
