Sportinfo.az xəbər verir ki, “Qarabağ”ın qapıçısı Mateuş Koxalski Polşa millisinin qarşıdakı toplanışına dəvət alacaq.
TVP Sport" kanalının yaydığı xəbərdə bildirilir ki, 26 yaşlı qolkiper yığmanın baş məşqçisi Yan Urban tərəfindən DÇ-2026-nın pley-off mərhələsinin oyunları üçün heyətə daxil ediləcək 4 qapıçıdan biri olacaq.
Martın 26-da Polşa milli komandası yarımfinalda Albaniya milli komandası ilə üz-üzə gələcək.
Polşalılar qalib gələcəyi təqdirdə, finalda Ukrayna - İsveç cütünün qalibi ilə dünya çempionatına vəsiqə uğrunda mübarizə aparacaq. Həlledici görüş martın 31-də keçiriləcək.
