Rusiya İslam Respublikası ilə hərbi əməkdaşlığının əhatə dairəsini və ABŞ və İsrailə qarşı müharibədə İrana informasiya dəstəyini genişləndirib.
Herbiand.az xəbər verir ki, bu barədə "The Wall Street Journal" (WSJ) nəşri yazıb.
Nəşrin məlumatına görə, Moskva xüsusilə Tehrana peyk görüntüləri təqdim edir və İranın bölgədəki ABŞ qüvvələrini hədəf almasına kömək etmək üçün təkmilləşdirilmiş dron texnologiyasını paylaşır. Rusiya həmçinin Ukraynadakı müharibədəki təcrübəsindən də yararlanır.
WSJ mənbələri qeyd edir ki, Moskvanın Tehrana ötürdüyü texnologiyalar arasında naviqasiya, rabitə və hədəf əldə etməni yaxşılaşdıracağı gözlənilən modifikasiya olunmuş "Şahid" dronlarının komponentləri var. Nəşrin mənbələrinə görə, Rusiya həmçinin Ukraynada dronlardan istifadə təcrübəsindən də yararlanır və İrana əməliyyatlarda neçə drondan istifadə edilməli və hansı hündürlükdən zərbələr endirilməli olduğu ilə bağlı tövsiyələr verir.
