"Mançester Siti"nin hücumçusu Erlinq Holand Çempionlar Liqasının 1/8 final mərhələsinin ikinci oyununda "Real Madrid"ə qarşı (1:2) oyunda komandasının yeganə qolunun müəllifi olub.
Fanat.Az "Opta"-ya istinadən xəbər verir ki, bu qol norveçlinin qitənin ən nüfuzlu klub turnirində vurduğu 57-ci qol olub.
Holand Çempionlar Liqasının bütün zamanlarının ən çox qol vuran oyunçuları siyahısında Tomas Müllerə çatıb. Onlar hazırda yeddinci yerdə qərarlaşıblar.
Holandla Mülleri yalnız Kilian Mbappe (68), Raul (71), Kərim Benzema (90), Robert Levandovski (107), Lionel Messi (129) və Kriştiano Ronaldo (140) qabaqlayır.
