MSK üzvlərinin maaşlarının yeni məbləği müəyyən edilib

Mərkəzi Seçki Komissiyası üzvlərinin aylıq vəzifə maaşlarının yeni məbləği müəyyən edilib.

APA xəbər verir ki, Prezident İlham Əliyev bu barədə Fərman imzalayıb.

Fərmana əsasən, MSK sədri 12000 manat, MSK sədrinin müavini 11 000 manat, MSK katibi 10 000 manat, MSK üzvləri 9 000 aylıq vəzifə maaşı alacaq.

Bu Fərman 2026-cı il yanvarın 1-dən tətbiq edilir.