Beynəlxalq Enerji Agentliyi (BEA) Yaxın Şərqdə artan gərginliyin tarixdə qlobal neft tədarükündə ən böyük pozuntuya səbəb olduğu barədə xəbərdarlıq edərək, neft istehlakını sürətlə azaltmaq üçün radikal fəaliyyət planı tələb edib.
"Cebheinfo.az" xəbər verir ki, dünya neft trafikinin təxminən 20 faizini daşıyan Hörmüz boğazından daşınmaların demək olar ki, dayandırılması xam neftin qiymətlərini bir barel üçün 100 dollardan yuxarı qaldırıb.
BEA açıqlamasında Yaxın Şərqdəki hərbi münaqişələrin görünməmiş qlobal enerji böhranına səbəb olduğunu bildirib. Bəyanatda strateji ehtiyatlardan 400 milyon barel neftin istifadə ediləcəyi, lakin bunun kifayət etməyəcəyi göstərilib və istehlakı sürətlə azaltmaq üçün təcili "davranış dəyişikliyinə" çağırılıb.
BEA-nın bəyanatında əsasən qlobal neft tələbatının 45 faizini təşkil edən nəqliyyat sektoru başda olmaqla istehlakı qısa müddətdə azaldacaq strateji tədbirlər açıqlanıb.
Bəyanatda müvafiq sektorlarda məsafədən iş modelinə keçməklə və magistral yollarda sürət limitlərini saatda ən azı 10 kilometrə çatdırmaqla nəqliyyatda yanacaq istehlakını azaltmaq tədbirləri yer aldı. Nəqliyyat vasitələrinin sayının azaldılması təklif edilib.
Bəyanatda şəxsi nəqliyyat vasitələri əvəzinə ictimai nəqliyyatdan istifadənin təşviq edilməsinin vacibliyi vurğulanıb və yol hərəkəti tıxaclarını, yanacaq istehlakını nəzarətdə saxlamaq üçün metropoliten ərazilərində "tək-cüt nömrə nişanı" sisteminin tətbiqinə çağırış edilib.
Beynəlxalq Enerji Agentliyinin prezidenti Fatih Birol məsələni qiymətləndirərkən Yaxın Şərqdəki münaqişələrin qlobal enerji bazarları üçün ciddi təhlükə yaratdığını vurğulayıb.
O bildirib ki, tələbi azaltmaq üçün bu tədbirlər istehlakçıları iqtisadi şoklardan qorumaq və enerji təhlükəsizliyini dəstəkləmək üçün vacib bir vasitədir.
