BAKI, 22 mart. TELEQRAF
Rusiyanın "Aeroflot" aviaşirkətinə məxsus, Moskva-Bakı marşrutu üzrə hərəkət edən təyyarə "Şeremetyevo" hava limanına təcili eniş edib.
Teleqraf xəbər verir ki, bu barədə Rusiya KİV məlumat yayıb.
Bildirilib ki, təyyarə Moskva vaxtı ilə saat 08:00-da Bakı istiqamətində uçuş həyata keçirib. Lakin uçuşdan qısa müddət sonra təyyarənin mühərriklərindən birində texniki nasazlıq yaranıb. Pilotlar yaranmış vəziyyətlə əlaqədar dərhal geriyə — "Şeremetyevo" hava limanına qayıtmaq barədə qərar qəbul ediblər.
"Aeroflot"a məxsus bort saat 12:10 radələrində paytaxt hava limanında uğurlu eniş reallaşdırıb. Hadisə nəticəsində xəsarət alan olmayıb, sərnişinlər təhlükəsiz şəkildə təxliyə ediliblər.
