Müəllif: Tamara Mustafayeva, Banco.az
Qarğıdalı qiymətləri iki həftənin ən yüksək səviyyəsinə çatıb.
Banco.azxəbər verir ki, qarğıdalı qiymətləri həftəyə kəskin yüksəlişlə başlayıb.
Fyuçers əməliyyatları Hörmüz boğazının faktiki olaraq bağlanmasının gübrə təchizatını pozacağı və bunun da ABŞ-da yaxınlaşan istehsal mövsümündə məhsuldarlıq itkisi riskini artıracağı ilə bağlı narahatlıqlar fonunda son iki həftənin ən yüksək səviyyəsinə yüksəlib.
“Bloomberg”in məlumatına görə, ən aktiv müqavilə bazar ertəsi günü 1,1 faizə qədər bahalaşıb. Qiymətlərin formalaşmasında ABŞ Prezidenti Donald Trampın həftəsonu Hörmüz boğazının 48 saat ərzində yenidən açılmayacağı təqdirdə İrana qarşı müharibəni genişləndirmək təhdidi mühüm rol oynayıb.
Yaxın Şərq qlobal gübrə ticarətində mühüm ixrac mərkəzi hesab olunur. Müharibənin başlanmasından bəri bitki qidalandırıcı məhsulların qiymətlərində artıq ciddi artım müşahidə edilirdi. Hörmüz xəttində fasilələrin davam etməsi isə bazarda təkcə mövcud təklifi deyil, həm də yeni mövsüm üzrə əkin qərarlarını və məhsuldarlıq gözləntilərini birbaşa təsir altına alan risk amilinə çevrilib.
Bizi sosial şəbəkələrdən izləyin!!
