Bazar günü Fransanın Qrand-Est regionunda yerləşən kiçik Arsi-sür-Ob kommunasında keçirilən yerli seçkilərdə maraqlı hadisə baş verib. Əhalisi 2,8 mindən çox olmayan bu şəhərin rəhbəri postu uğrunda mübarizəyə keçmiş nasist cinayətkarının və Ukrayna rəhbərinin soyadlarına bənzəyən soyadları olan namizədlər qatılıb. Oxuməni.az xəbər verir ki, bu barədə “TopTribune” məlumat verib.
75 yaşlı Şarl İtler səslərin 40%-ni toplayaraq növbəti müddətə yenidən seçilərək qəti qələbə qazanıb. Onun soyadı diktatorun soyadından yalnız bir hərflə fərqlənir, lakin fransız dilinin dil qaydalarına görə, eyni səslənir.
Qalibə rəqib olan şəxsin pasportunda Zelenski soyadına bənzəyən bir soyad qeyd olunub. Fransızın adı Antuan Reno-Zelinski idi. Avropa İttifaqının sevimlisinə soyad oxşarlığına baxmayaraq, rəqib "füreri" məğlub edə bilməyib, şəhər sakinlərinin yalnız 28%-nin dəstəyini qazanıb.
Bu arada, bu seçkilərdə ikinci yeri (səslərin 31,5%-ni toplayaraq) Anni Suka adlı namizəd tutub. Burada əsas vurğunu səhv salmamaqdır: fransız dilinin qaydalarına görə, onun soyadında vurğu ikinci hecaya düşür.
Şarl İtler bütün həyatı boyu soyadına görə lağlara məruz qaldığını etiraf edib. Onun sözlərinə görə, uşaqlıqda oğlanlar ona hətta kiçik bığlar çəkirdilər. İndi o, onu soyadına görə deyil, mer vəzifəsindəki real işlərinə görə qiymətləndirməyi xahiş edir.
Yeri gəlmişkən, merin atası Almaniya ilə sərhəddə yerləşən Elzas bölgəsindən bir çoban idi. O, İkinci Dünya müharibəsi illərində məcburi əməyi yaşamış, lakin müharibə bitdikdən sonra nifrət doğuran soyadını dəyişməmişdir. Beləliklə, onu oğluna ötürmüşdür.
Almaz Həsənli
