ABŞ prezidenti Donald Tramp bildirib ki, 28 fevralda İsraillə İrana hücum etməzdən əvvəl administrasiyası daxilində onun planlarını dəstəkləyən ilk şəxs ABŞ müdafiə naziri Pit Heqset olub.
Turkustan.az xəbər verir ki, “The Hill” qəzetinin məlumatına görə, Tramp dünən Tennessi ştatının Memfis şəhərində etdiyi çıxış zamanı İrana hücumlardan əvvəlki dövrlə bağlı fikirlərini bildirib.
Tramp yanında oturan Heqsetə tərəf dönərək dedi: "Pit, düşünürəm ki, səsini qaldırıb 'Gəlin bunu edək, çünki onların nüvə silahına sahib olmasına icazə verə bilməzsən' deyən ilk sən oldun."
ABŞ müdafiə naziri Hegseth, 28 fevralda başlayan İrana hücumların ən böyük tərəfdarlarından biri olması ilə tanınır.
Hücumların gedişatı ilə bağlı mətbuat konfransları keçirən Hegseth, hücumların İranın ballistik raket proqramını, dron istehsalını və donanmasını "məhv etməyi" hədəflədiyini və hücumları tənqid etdiyinə görə medianı hədəf aldığını vurğulayır.
Aytən Yaşar/ Turkustan.az
