Səudiyyə Ərəbistanının vəliəhd şahzadəsi Məhəmməd bin Salman ABŞ-İsrail birgə hərbi kampaniyasının Yaxın Şərqi yenidən qurmaq üçün tarixi fürsət olduğunu iddia edərək, Prezident Donald Trampı İrana qarşı müharibəni davam etdirməyə fəal şəkildə təşviq edir.
Yeniavaz.com xəbər verir ki, bu barədə “New York Times” qəzeti mənbələrə istinadla məlumat yayıb.
Bildirilib ki, ötən həftə keçirilən bir sıra danışıqlar zamanı şahzadə Məhəmməd Trampa məqsədin İran hökumətini devirmək olduğunu açıq şəkildə bildirib. O, həmçinin İranın Fars körfəzi üçün uzunmüddətli təhlükə yaratdığını və bunun yalnız ölkədə rejim dəyişikliyi ilə aradan qaldırıla biləcəyini iddia edib.