Qax rayonunun Əmbərçay kəndində Novruz bayramı ilə əlaqədar növbəti at yarışları təşkil olunub.
"Report"un Şimal-qərb bürosunun məlumatına görə, son 8 ildə 6-cı dəfə keçirilən bu yarışlarda Qax şəhəri, Qaradolaq və Əmbərçay kəndlərindən 30 çapar iştirak edib.
6 kilometr məsafəni əhatə edən mübarizənin qalibi Əmbərçay kənd sakini Sahib Muxtarov olub.
Yarışın sonunda mükafatçılara diplomlar, medallar və hədiyyələr verilib.
