Bakupost saytından alınan məlumata görə, ain.az bildirir.
Venezuela rəhbərliyində mühüm kadr dəyişikliyi baş verib. General Qustavo Qonzalez Lopez ölkənin yeni müdafiə naziri təyin edilib.
Bakupost.az “Associated Press”ə istinadən xəbər verir ki, hazırda prezident səlahiyyətlərini icra edən Delsi Rodrigez müdafiə naziri Vladimir Padrino Lopezi uzun müddət hakimiyyətin təsirində olmuş Qustavo Qonzalez Lopezlə əvəz edib.
Qonzlez Lopez Venesuela ordusunun kəşfiyyat və təhlükəsizlik strukturlarında uzun xidmət yolu keçib. O, əvvəlcə ölkənin gizli xidmət orqanı SEBIN in (Bolivar Milli Kəşfiyyat Xidməti) rəhbəri olub, daha sonra prezidentin şərəf qvardiyası və hərbi kontr kəşfiyyat idarəsinin başçısı kimi çalışıb. Bu kadr dəyişikliyi onun hərbi karyerasında önəmli bir mərhələdir və ona müdafiə naziri kimi ölkənin əsas hərbi strukturlarını idarə etmək imkanı verib.
Bu təyinat beynəlxalq ictimaiyyət arasında geniş müzakirələrə səbəb olub. Çünki Qonzalez Lopez SEBIN və digər təhlükəsizlik qurumları ilə bağlı insan haqları pozuntuları və zorakılıqları ilə tanınır. “Maduronun cəlladı” adı ilə məşhur olan Lopez həmçinin ABŞ, Avropa İttifaqı və Birləşmiş Krallıq daxil olmaqla bir sıra ölkələr tərəfindən fərdi sanksiyalara məruz qalıb.
Bu dəyişiklik, Venezuelanın siyasi və hərbi liderliyi daxilindəki güc balansını yenidən formalaşdırdığı bir vaxtda baş verir. Mütəxəssislər hesab edir ki, Qonzalez Lopezun təyinatı icraedici prezidentin hərbi dəstəyini daha da möhkəmləndirmək niyyətini göstərir.
Cavid, BakuPost
Hadisənin gedişatını izləmək üçün ain.az saytında ən son yeniliklərə baxın.
