Azərbaycan parabadmintonçusu İbrahim Əliyev İspaniyada keçirilən beynəlxalq turnirdə mükafatçılar sırasında yer alıb.
90deqiqe.Az Gənclər və İdman Nazirliyinə istinadən xəbər verir ki, 20 yaşlı idmançı Vitoriya-Qasteys şəhərində təşkil olunan yarışda SU-5 kateqoriyası üzrə qoşa mübarizədə çıxış edib. O, polşalı Bartlomey Mroz ilə tərəfdaşlıq edərək turnirin gümüş medalını qazanıb.
Beləliklə, Azərbaycan parabadmintonçusu növbəti beynəlxalq uğurunu aktivinə yazdırıb.
