Azərbaycan Ağırlıqqaldırma Federasiyası (AAF) sözü gedən idman növünün bölgələrdə inkişafına dəstəyini davam etdirir.
Apasport.az xəbər verir ki, AAF rəhbərliyi tərəfindən federasiyaya müraciət edən idman məktəbləri və klublar bölgü əsasında dəst avadanlıqla təmin olunur.
Belə ki, AAF tərəfindən Naxçıvan Muxtar Respublikası Təhsil Nazirliyi Şərur rayon Təhsil şöbəsinin Uşaq Gənclər İdman Məktəbinə beynəlxalq standartlara uyğun ştanq dəsti təhvil verilib. Avadanlıq Şərur rayon Təhsil şöbəsinin Uşaq Gənclər İdman Məktəbinin məşqçisi Şəfi Hüseynova təqdim edilib.
Bir neçə gün öncə isə AAF tərəfindən Qazax-Tovuz Regional Gənclər və İdman İdarəsinin Qazax rayon Uşaq-Gənclər İdman Məktəbinə tam dəst ştanq avadanlığı göndərilib. Ştanq dəsti Qazax rayon Uşaq-Gənclər İdman Məktəbinin baş məşqçisi Sərxan Qasımlıya təhvil verilib.
Yaxın zamanda AAF-a müraciət edən daha bir neçə məktəb və kluba avadanlıq təminatı ilə bağlı dəstək göstərilməsi planlaşdırılır.
Dadaş Dadaşbəyli: "Mənimçün möhtəşəm yarış oldu"
İslam Oyunları: Ağırlıqqaldıranımız gümüş medal qazanıb - YENİLƏNİB
İslam Oyunları: Ağırlıqqaldıranımız 3 medal qazanıb - FOTO
İslam Oyunları: Azərbaycanlı atlet gümüş medal qazanıb
Türkiyəli atlet: "İlham Əliyevə və Azərbaycan xalqına təşəkkür edirəm"
