Astara, 26 mart, AZƏRTAC
İrana humanitar yardım aparan Rusiya Fövqəladə Hallar Nazirliyinin yük qatarı axşam saatlarında “Azərbaycan Dəmir Yolları” QSC-nin Astara stansiyasına daxil olub.
AZƏRTAC-ın bölgə müxbiri xəbər verir ki, əsasən tibbi vasitələrindən ibarət olan humanitar yükün ümumi çəkisi 300 tondan çoxdur. Yükün daha sonra İran ərazisində təyinat nöqtəsinə avtomobil nəqliyyatı ilə çatdırılması planlaşdırılır.
Müxbir - İlkin Adıyev
