Bu barədə İqtisadi Əməkdaşlıq və İnkişaf Təşkilatının (İƏİT)son hesabatında bildirilib.
AzVision.az xəbər verir ki,"Yaxın Şərqdə münaqişənin inkişaf trayektoriyası qeyri-müəyyən olaraq qalır və bu, mövcud iqtisadi proqnozlar üçün ciddi risklər yaradır. Münaqişənin uzanması və enerji qiymətlərinin 2026-cı ilin ortalarınadək yüksək səviyyədə qalması qlobal iqtisadi artım perspektivlərini daha da zəiflədə bilər" - deyə qeyd olunub.
Təşkilat bildirir ki, 2026-cı ildə ümumi daxili məhsulun (ÜDM) artımı 2,9 faiz həddində planlaşdırılır. Halbuki, 2025-ci ildə artım 3,3 faiz olmuşdu. 2027-ci ildə isə 3 faizlik artım gözlənilir.
Proqnozlara əsasən, ABŞ iqtisadiyyatında ÜDM artımının 2026-cı ildə 2,0%, 2027-ci ildə isə 1,7%-ə qədər zəifləyəcəyi gözlənilir. Avrozonada artım tempinin 2026-cı ildə 0,8%, 2027-ci ildə isə 1,2% olacağı proqnozlaşdırılır. Çində isə iqtisadi artımın 2026-cı ildə 4,4%-ə, 2027-ci ildə isə 4,3%-ə qədər yavaşlayacağı ehtimal edilir.
Eyni zamanda, qeyd olunur ki, inflyasiya təzyiqlərinin daha uzun müddət davam edəcəyi gözlənilir. Qlobal enerji qiymətlərindəki artım fonunda 2026-cı il üzrə inflyasiya göstəricilərinin əvvəlki proqnozlardan daha yüksək olacağı bildirilir. G20 ölkələrində ümumi inflyasiyanın 2026-cı ildə 4,0%, 2027-ci ildə isə 2,7%-ə qədər azalacağı proqnozlaşdırılır.
İƏİT-in ekspertləri geriləməni başlıca olaraq enerji qiymətlərinin artması ilə izah edirlər.
Məhəmmədəli Həsənli
AzVision.az
