"Google Translate" tətbiqində real vaxtda qulaqcıq vasitəsilə tərcümə funksiyasını daha geniş istifadəçi kütləsinə təqdim etməyə başlayıb.
Yeni yeniləmə ilə bu funksiya artıq iOS platformasında da istifadəyə verilib. Belə ki, iPhone istifadəçiləri danışığı anlıq dinləyərək tərcüməni birbaşa qulaqcıqlar vasitəsilə eşidə biləcəklər.
Sistem 70-dən çox dili dəstəkləyir və standart qulaqcıqlarla işləyir. Funksiya eyni zamanda Almaniya, Fransa, İspaniya, İtaliya, Yaponiya və Birləşmiş Krallıq daxil olmaqla bir sıra yeni ölkələrdə də istifadəyə açılıb.
Bununla yanaşı, şirkət “Search Live” adlı süni intellekt əsaslı yeni axtarış funksiyasını da 200-dən çox ölkədə istifadəyə verib. Bu funksiya istifadəçilərə səs və kamera vasitəsilə axtarış aparmaq imkanı yaradır.
Qeyd edək ki, bu yeniliklər Google-ın Gemini süni intellekt modeli əsasında işləyir və daha təbii, çoxdilli ünsiyyət təcrübəsi təqdim edir. \\Valyuta.az
