Ötən gecə İsrail Hərbi Hava Qüvvələri Tehran ətrafında yerləşən onlarla silah istehsalı obyektinə qarşı genişmiqyaslı hava hücumu dalğasını uğurla tamamlayıb.
Bu əməliyyat İranın hərbi sənaye potensialına son illərin ən ağır zərbələrindən biri kimi qiymətləndirilir.
NOCOMMENT.az xəbər verir ki, hücuma məruz qalan strateji hədəflər arasında aşağıdakı mühüm obyektlər var:
İran ordusunun əsgər hazırlığı və hava hədəflərini vurmaq üçün nəzərdə tutulmuş raket sistemlərinin saxlanıldığı iri hərbi baza;
Ballistik raketlərin əsas komponentlərinin hazırlandığı və təkmilləşdirildiyi gizli mərkəz;
Müasir silahlar üçün batareya istehsal edən xüsusi müəssisə;
İslam İnqilabı Keşikçiləri Korpusuna (SEPAH) məxsus silah istehsalı zavodu.
Bunlarla yanaşı, SEPAH-ın raket hazırlığı və buraxılış kompleksləri, ballistik raket qurğuları, hava hücumundan müdafiə (HHM) sistemləri və ordunun müşahidə postları da dəqiq zərbələrlə sıradan çıxarılıb.
Əməliyyat zamanı İsrail kəşfiyyatı Tehrandakı hərbi binadan İsrail ərazisinə raket atmağa hazırlaşan bir qrup hərbçini aşkar edib. Müəyyən edildikdən bir neçə dəqiqə sonra həmin nöqtəyə endirilən hava zərbəsi nəticəsində raket bölməsinin bütün üzvləri ləğv edilib. Bu əməliyyat İsrailin Tehranın mərkəzindəki hərbi hərəkətliliyi saniyə-saniyə izlədiyini bir daha nümayiş etdirib.
Sara,
NOCOMMENT.az
